Fryma poetike e së dielës me poeten:-Ramije UKAJ

MARTIRËVE TË KORISHËS

———————————

Më 13 Maj 1999 u shua dielli

Me çka patën u bënë kolonë

Atë natë iku dhe hëna

I gjithë qielli ra si zezonë

Nga klithmat e të plagosurve

Dhe ujëvara e Korishës u shterua

Tymi e zjarri e kaploi kolonën

Bjeshkë e fusha u rrafshua

Duke ikur nga armiku

Me fëmijë n`djep e pleq përdore

Për ta gjetur diku një strehë

U bënë emra në përmendore

Gjaku i tyre nuk harrohet

Janë martirë në përjetësi

Në çdo përvjetor ata nderohen

Me këngë e lot për liri.

/QendraPress