Çaste poetike me poeten: Shqipe BYTYÇI

SKENDERBEUT

————————–

At,

ti i ktheve yjet e qiellit

kah toka arbënore

na i varëm n’qafë

si stoli t’hueja

e s’po shohim tjetër

veç tokën

para t’fortit gjunjëzue

Kambanat e Krujës

i ka hangër myku

e zani yt

si gur i shejtë

po rrokulliset poshtë maleve

ku s’mbin ma bari

Edhe shenjat n’gurë

i shkrum me ngjyrë t’harresës

U bamë zhurmë pa kujtesë

hije e zgjatun e Hamzës

mbi tokën rishtas t’përgjakun

Ndjesë, At!

Na more për burra

e na t’premë n’besë

/QendraPress/