Çaste poetike me poeten;- Valbona R.HADRI

Zëri i zemrës

————————————–

Në heshtje rri, duke menduar

Si një degë molle në acar.

Në qiell yjet ngjajnë të shuar

Dhe rrugëve s’shoh më udhëtarë.

Më janë zbehur fjalët dhe mendimet.

Nuk mund të shkruaj më asnjë varg.

Në portin tim s’hyjnë më anije

Vështrimi im s’fluturon më larg.

Zëri që vinte si këngë bilbili

Nuk ndihet më, dikush ma mori.

Prej mallit tënd më merret fryma

Dhe më gjëmon gjithë kraharori

Ai zë, oh, ai zë gjithë ëmbëlsi

Që shkrin si dielli çdo mëri

Në dritë hëne shfaqesh ti

Plot mirësi dhe dashuri.

/QendraPress/