Fryma poetike e së mërkurës, me poetin;-Idriz Berisha-XHIXHI

TEMPULLI I HARRESËS

—————————–

Makthet mi ngjajnë harresave

e skulpturave të mermerta antike

Hasmëri kohësh nëpër kohë

Lidhur me zinxhirë .

Eh poeti,

lëreni poetin

të shëtis galaktikave

Mbushur me oshtimë

dashuritë le të trokasin derë me derë

të kalërojnë erërave të tërbuar

Me imazhe përrallore.

Me lër vetëm ashtu siç jam

Të numëroj heshtjet një për një

Po si Orfeu rrëfeu

Tinguj me kitarë

Lidhur me litar!

Mbi urën e drunjtë,davaritën çastet

Si kujtime të hedhura mbi lumë

Dashuri e strehuar në sy

Zgjatë ëndrrën pambarim

Gjersa pritja në ekstazë të kthehet

Të marr ngryk dhembjen e lodhur

Mbi krahë engjëjsh të pret gjumin

Mbyllur në dhomë veç me diellin

Në këtë tempull të harresës.

/QendraPress/