Çaste poetike me poeten;-Etleva ÇOBO

Jam si hënë e larë argjend.

—————————————

Jam hënë e larë argjend,

E qetë, e gjallë , pa bujë,

Pasqyrim nate mbi det,

Shembje dritash në ujë.

Thur kurorë me lulëza shpirti,

Në ballë të natës i vë,

Hënë argjendi mes dritëhijes

Rri zgjuar, kur bota fle.

Jam hënë derdhur malesh, mbi det,

Në valle me yje loz,

Përkëdhel valët me fllad,

Bregut ndez një zjarr rozë.

I flas erës në gjuhë qiellore,

Shpërthej dritën si një syth,

Jam hënë- një ftesë ëndrre,

Rrjedh me netët e gjata prej vale. /QendraPress/