Çaste poetike me poeten;-Ermira IFANDI

SHPIRTI I NJERIUT

————————————————-

Një liqen me mjelma dashurie,

gur i pathyeshëm, gdhendur nga loti.

Ilaç që shëron plagët e zemrës,

brengë e stërvitur me truket e mendjes.

Arë e pluguar ku mbillet ndjenja,

botë e pashfaqur, fshehur në gjak.

Bereqet i trupit si grurë i pjekur,

rrënjë e pambjellë, me fryte e fara.

Partiturë e mendjes, me nota zjarri,

diell pa perëndim në netët e shkrumta.

Heshtje që vërshon nga durimi i hekurt,

si lumë që del prej shtratit të vet.

Errësirë e thelluar në unë dhe ego,

kod i pakuptueshëm, në shifra e shkronja.

Shpellë e pazbuluar në thellësi deti,

me diamante, perla, e xhevahire të rralla.

/QendraPress/