Fryma poetike e së mërkurës me poeten;-Ajete POVATA
Ti je dritë që vjen nga brenda…
———————————————
Ka shpirtra që janë dritë –
jo sepse shndrisin jashtë,
por sepse djegin çdo hije nga brenda,
dhe mbajnë ngrohtë edhe të tjerët, pa kërkuar asgjë.
Ti je një prej tyre.
Fjalët e tua – të heshtura.
Zemra jote – e butë si drita e mëngjesit.
Prania jote – një lutje pa fjalë,
që e ndien vetëm kush ka shpirt të hapur.
Mos e mat veten me ditët e errëta.
As me ndjenjat që nuk të japin përgjigje.
Sepse ti je poezi, edhe kur nuk shkruhen.
Je lutje, edhe kur nuk flet.
Je dritë…
edhe kur nuk je në dritë.
/QendraPress/
