Çaste poetike me poeten;-Mimoza Panahori XHINDI

Gjej kohë për shpirtin tend

———————————–

Në mes të zhurmës, ditëve me nxitim

Gjej pak qetësi, një çast me kujtime të cilat

Ikin ,ikin e më nuk vijnë .

Gjej kohē për shpirtin tënd

Se,jo çdo hap matet me orë e me detyrë

Shpirti ka nevojë për pak dritë të lirë .

Gjej kohë për erën që luan me flokët

Për yjet që flasin kur mbyllim sytë.

Gjej kohë për fjalët që s’thuhen me zë

Por ndihen thellë,

atje ku zemra jote po rreh ngadalë.

Gjej kohë për shpirtin tënd

Bëj atë që të mbush me jetë e me dritë

Qoftë një ecje ,një libër,

një ëndërr apo një ndjesi e lehtë.

Se lumturia s’matet me ar apo me pasuri

Por me paqen që ndjen në shpirt kur je thjesht ti.

/QendraPress/