Çaste poetike me poeten:-Shukrije GASHI

Prap vdekjes nuk i besoj

(24 gusht 2025)

————————-

Vera përcëlluese n’agoni stine kruan

trupin me nervozë asgjë i kujtohet

nga ikjet dje tej pragut tjetër

As pas njëqindegjashtëdhjetmijë vitesh

Njeriu e mësoi kotësinë e tundimit

para e pushtet kujtoi klonoi trurin

e vetë Zotin a Engjullin ” A.I. Chatgpt”

prap i t’huajsuar tallet me Jetën Numra

shenjëqitjeje ata nuk mbijnë

Dita e Kjametit ha çdo sekondë

frymëmarrjet e leçitura

mijëra sy e kaçurrela

të zi fëmijësh esmerë ata s’kanë

andrra

djegurë me shkas e hata

nën qiellin gri telef sfidoj urinë

luten për xhenetin

urrejnë lodrat vrastare mbi kokat

e tyre

sa e shpifur shpresa e ringjalljes

Isai erdhi kurrë as nesër

me nurin e Muhamedit kaluar

mbi shpinë deveje me xhipa t’zi

plotë kurum

Tryezave të kotsisë diplomaci dyzuar

në një me nge grryejnë dhëmbët

pas një darke të shijshme karremi

Ptu ç’farë e keqe kujtesa dembele

prap vdekjes nuk i besoj…

/QendraPress/