Çaste poetike me poeten:-Rakela ZOGA
Petale të bardha!
Tek zëri yt ndjeva bajamen.
Atë pemë me lule të bardha.
U shtrinë në shpirt petalet,
Të bukurat, si fjalët e arta.
Ti vije nga rruga e gjatë.
Unë prej ëndrrave të natës.
Mike ish natyra me diellin e vrarë,
Era lëkundëte ndjenjat e kaltërta.
U vesha e gjitha bardhësi.
Qeshja e luaja me veten.
Ti ike e ndoshta vjen përsëri.
Fitimtare prej dimrave të egër!
/QendraPress/
