Çaste poetike me poeten;- Blertë Tmava VESELAJ

ME SYTË E SHPIRTIT

———————————–

Fjalët dalin me shpejtësinë e dritës

Me shpejtësinë e plumbit plagosin zemrat

Plagët mbyllën, por shenjat mbetën

Të paharruara në rrjedhat e jetës.

Lëndon kush dhimbjen se ka provuar

Se të lënduarit dhimbjet lehtësojnë

Me sytë e shpirtit lexojnë të shkuarën

Plagën e zemrës nuk e trazojnë.

Beson ai që besë ka

Dhe i pabesi kurrë besë nuk zë

Atë qe e di për veti

Mendon të tjerët e bëjnë atë.

Veç sytë e shpirtit shohin të vërtetën

Dhe pse shpesh e hidhur është ajo

Kush ka mbajtur me gënjeshtra veten

Ditët e bukura nuk i ka parë.

Që të shohë shpirti s’i duhen sy

Të lexon brenda pa vështirësi

Pak dashuri, kjo i mjafton

Me sytë e shpirtit botën lexon.

/QendraPress/