Çaste poetike me poetin:- Rexhep F. MORINA

ELITARËT

————————

Vajtojnë fatin e kombit me fjalim e llafe,

Dhe premtimet i bëjnë, kur ata pinë kafe.

Për mirëqenien e popullit në atdhe të lirë,

Parashikojnë mrekulli, t’jetës më të mirë.

Qajnë vetën e familjet, dhe tërë akrabatë,

Asnjë post pushteti nuk lënë pa hallakat.

Si ta avancoj djalin, n’pozitë të përkryer,

Aty dhe vajza e mikut, të ketë një detyrë.

Sapo i nisin e mbarojnë, bisedat elitarët,

Vetëm politikës i vënë theks veprimtarët.

Lartë i ngritin brengat për ndikim të huaj,

Ruana o zot thonë: mos të bëhet rrëmujë.

Sikur janë të vetëm, që marrin vendimet,

Për kthesat e shtetit, dhe për ndryshimet.

Fuqinë që ka populli, e harrojnë të mjerët,

Dorën që vendos rend, dhe fat për liderët.