Fryma poetike e së mërkurës me poeten:-Manushaqe Hoxha LAÇI

Dritë nëpër fjalë

——————————–

Lexo, nxënës, se fjala të rrit

Të nxit të mendosh, të shohësh më qartë

Se mendja pa libra është tokë pa dritë

Është udhë pa shenjë, është zemër e thatë

Një libër i mirë s’të kërkon asgjë

Veç të shijosh brenda shpirtit leximin

Ai flet në faqe me të pashtershmin zë

Të mëson të kuptosh, të fal mirëkuptimin

Lexo, se çdo faqe është dritare në botë

Ku shpirti merr krahë, ku zemra mëson

Ku fjalët s’janë tinguj, por udhë e plotë

Janë urë që të çojnë atje ku s’jeton

Në sytë që lexojnë ka dritë që ndriçon

Ka pyetje që lindin dhe përgjigje që rriten

Ka shpirt që formohet, ka mendje që guxon

Ka ëndrra që lindin e kurrë s’braktisen

/QendraPress/