Çaste poetike me  poeten;- Dava Gjoka LLESHA

VJESHTA VJEN PRAP E JETA JO MË !

————————————————–

Të prita unë e bukura Vjeshtë

E ti më erdhe me ngjyrat e tua

E volëm rrushin ,atje në vreshtë

Sëbashku me dardhët ,mollë e ftua

Me ngjyrat e tua mbulove tokën

Ty Vjeshtë e bukur sa shumë të dua

Me mushtin e verës e ngritëm gotën

Rri dhe pak Vjeshtë, ti, rri me mua

Po ikën Vjeshta dhe këtë vit

Ylberin me ngjyra ,mua ,ma la

Rri dhe pak Vjeshtë e mos më ik

Fustanin e bukur ,ta lashë,më tha

Unë buzëqesha e n’sy e pashë

Rri dhe pak Vjeshtë e mos më ik

Fustanin e bukur ,unë ,ty ta lashë

Po iki ,më tha ,këtu më prit

Po ikën Vjeshta pa ardhur akoma

Gjethet në tokë ,ranë një nga një

Me vete po i merr dhe ditët tona

Vjeshta vjen prap e jeta jo më

/QendraPress/