Çaste poetike me poeten:- Rudina PAPAJANI

SA PRITJE E GJATË…

——————————–

Është mbushur me pritje shpirti im,

shumë fjalë të pathëna ,

që vinë e ikin si pëlhurë e Penelopës.

Është mbushur me pritje zemra ime,

me pjesëza e nyje të pabashkuara në një.

Është mbushur me pritje fati,

që ikën e vjen kaq kokëfortë,

në rrugë e udhëkryqe që kurrë s’u takuan.

Sa mall ka kjo pritje në qepje e shqepje,

në paralele e meridiane ,

që diç bluajnë nga një mbulesë vigane.

Sikur fati të derdhej lumë,

do ndihej gazi larg nga zhurma,

do zbardhej ngjyra e korbit,

që mashtron kaq dinak me embrionin e vet.

Sonte pritja qenka e ëmbël në trurin e POETES,

ku harresa humbi rrugën për një çast….

/QendraPress/