Çaste poetike me poeten:- Raimonda BRAHA

Çfarë ka peshë

———————–

Mos i numëro fjalët

që të tjerët hedhin mbi ty,

ato bien si shi,stuhishëm

Por nuk të lagën dot

Nuk je krijuar

për të qenë pasqyrë e dëshirave të huaja,

as për të mbajtur barrën

e pritshmërive që nuk i zgjodhe.

Mjafton të ecësh drejt,

me zemrën të qetë

dhe ndërgjegjen e pastër

Aty fillon liria, jeta …

Kur e di kush je

dhe çfarë të mban gjallë,

zërat e tjerë

kthehen në heshtje.

Sepse ajo që ka vlerë

është paqja me veten,

dhe guximi

për të qenë vetvetja …

/QendraPress/