Çaste poetike me poeten:-Mim MARJANAKU

Film

——————-

Linda në një kapitull drame.

Dramaturgjikisht!

Në nje fabrikë lindjeje.

( ku lindi dhe heroi im)

Në shtëpi,

pas derës së jashtme,

rreshtoheshin këpucët.

Zhvisheshin kostumet

e ushtarëve,

zboristëve,

kufitarëve,

besnikëve.

Visheshin të nesërmeve.

Në kuzhinë,

rreth sobës digjeshin drutë,

ziente çaji,

gjella,

zienin të bardhat.

Aty ishin nënat

të mirat

të dhembshurat

të kujdesshmet.

Në ajër dy sy kali Troje.

(Il figlio di Troia vigilava)

fate të destinuara.

Parashikuar nga Satanai.

( Heroi im qante)

Po plakem

dramaturgjikisht

përzierë me thriller, horror,

kokainë.

Në skërme

luhen dashuri të shqyera

Ofeli të mbytyra.

Epshe të ndyra.

Po vdes dramaturgjikisht.

Dashuruar pas heroit tim te rritur

/QendraPress/