Çaste poetike me poeten;-Shqipe BYTYQI

DITA NJË

——————–

Pika zero

dita një

një dëshirë mbarsie

nis një jetë të re

Edhe sot

në ditën një

përvidhen n’retinë

valë tundimesh mëkatare

Edhe sot

dy flatra shqipeje

sërish blatuar

droj

edhe gjarpri

n’vizion t’mollës së ndaluar

portave t’saj

n’kapërcyell t’pikës zero

prapë ka kaluar

N’vitin e kushedisatë

urimeve

fjalë goje

dita një

mbetet

po ajo hata

Njeri

mos harro

jo vetëm pikës zero

por çdo ditë

ke zgjedhjen

sërish

e sërish

/QendraPress/