Fryma poetike e së mërkurës me poeten;-Linda SHAQIRI

Britma e shpirtit

——————————

Do të thërras.

Do të bërtas.

Do të nxjerr nga shpirti im

gjithë urinë e fjalëve të mbytura.

Për ty që nuk ke guxim

të hedhësh hapin,

të nxjerrësh baltën

nga lumi i papastër

që rrjedh në errësirën tënde.

Do të flas.

Do të bëhem zëri

i asaj që dikur

nuk dinte të bërtiste

kundër natës,

por sonte zgjohet

dhe nuk hesht më.

Sepse heshtja është bashkëfajtore,

dhe unë zgjedh dritën.

/QendraPress/