Çaste poetike me poeten:-Bujana MALAJ

LISAT SHKUNDIN BORËN…….

———————–

Lisat shkundin borën

Përmbi ballin tand

Hajde t’vëjmë kurorën

Moj aman aman.

Mbi degë trandafilit

Bylbyli nisë kangën

Ma jep gishtin vajzë

E ta vëj unazën.

Bora zen e shkrihet

Bash si zemra ime

Vajzë pa ty nuk rrihet

Mos më len jetime.

Nisma djalo kalin

E hajde me m’marr

Bora ka zanë rrugën

O zambak i bardhë.

Mos ardhsha kët herë

Kurrë mos ardhsha tjetër

E mos dalsha ma n’pranverë

Zemrën m’shtjell të la në letër.

Sa dalin sabahi

Vajzë sa dalin drita

Del te dera e stanit

Mos t’ më zinet prita.

Pritën s’mun ta zanë

Djalo se dal vetë

Alltinë ngjesh e kam

Dy herë qes përpjetë.

Ta shkrijmë borën bashkë

E ta bajmë pranverë

Sa shumë të kam dashtë

Vdekshim përnjëherë.

/QendraPress/