Fryma poetike e së dielës me poeten:-Linda FANA

Mesjeta në fjalë, e sotmja në veprim

———————————————–

Flisni për zinxhirë të harruar,

për hijet që ende nuk guxojnë të shohin dritën.

Gratë kanë çelësa në duar,

por ju akoma mblidhni gurët e kështjellës suaj.

Ju shikoni instinkte të vjetra,

ndërsa vetë qëndroni në kohë të ngrirë.

Fjala juaj kërcen si shpatë pa skaj,

por zemra juaj nuk di të fluturojë lirisht.

A është liria e tyre peng i së kaluarës,

apo e juaja është akoma e varur nga mesjeta?

Para se të mësoni të tjerët,

pyetni veten: a jeni gati të dilni nga hijet tuaja

/QendraPress/