Çaste poetike me poetin;-Skender BERISHA

TY KOSOVË

———————

Aty te rrënjët po ta ndiej zjarrminë

frymën e ngrohtë ofshamat e thella

sa herë qafën gati pa gati e theva

kurrë moj kurrë shpinën s’ta ktheva

çava borën tënde dimrave të ashpër

nën gurë struka kokën e di si gjarpër

me shanë e ç’nuk më thanë me nge

asnjë ditë nuk e shkova me hare

më donin tok me ty për pre për pre

po sa shumë deshta e nuk rreshta

trupi edhe shpirti shenjohej me heshta

ta deshta sa shumë ta deshta atë dhe

te rrënjët te zemra ta ndiej zjarrminë

tejpërtej shijoj bukurinë tënde të shtruar

atë qiell të paqtë plot me yje të yjuar

ta deshta moj e sa shume ta dua lirinë

/QendraPress/