Fryma poetike e së mërkurës me poeten;-Blerta BASHA

BOTA E VOGËL E NJERËZVE TË VEGJËL

————————————————-

Kjo botë është më e madhe,

Nga çfarë e shohim ne,

Pse hiqesh si sorkadhe,

Kur s’ka arsye pse.

Kjo botë është pafund,

Ka tokë, ka qiell e dete,

Ti bën vetëm sa mund,

Mos ji i vogël për vete.

Kjo botë bëhet e madhe ,

Kur mbushet me dashuri,

Zvogëlohet dhe ka halle,

Në egoizëm në xhelozi.

Ne jemi veç asgjë..

Qeliza të kësaj toke,

Mos u mundoni më

Si qëndrat e kësaj bote.

/QendraPress/