Çaste poetike me poeten;-Ermira IFANDI

TI JE VETË DHIMBJA

————————–

Në këtë natë,

ku qiellit i mungon hena,

ti je vetë dhimbja.

Shpirti mbyll plagët

largimit të stinëve,

ku dashuria puthet me erën.

Pemët të zhveshura,

me dyllin e kujtimeve në degëza,

ku varen gjysmëgëzimet e mia të humbura…

Përqafimet për çdo festë

ua dhurova degëve…

ti, i ke ndjerë.

Unë,

mbeta këtu…

një jetë pres ardhjen tënde.

/QendraPress/