Çaste poetike me poeten;- Sadbere Gagica SPAHIJA

LITURGJIA E HIJEVE

——————————–

U shfaqën me ballë të larë

Në lotët e të tjerëve

Me xhepa plot çelësa

Për dyer që s’i kishin ndërtuar

Në tryezat e tyre

Buka e jetimit bëhej kurorë

Çdo kafshatë një betim i shqyer

Çdo gotë një emër i harruar

Nën gjuhë mbanin gjilpëra

Qëndisnin paqe mbi plagë të hapura

Me fije të kuqe lidhën duart

E atyre që ua hapën portat

Në oborr një plak

Mblidhte hijene shtëpisë së rrënuar

Nuk i kishte mbetur as çatia

Për ta varur mallkimin

Ata kaluan pranë tij

Me hapa të rëndë nga lavdia

Asnjëri nuk e dëgjoi gurin

Që kërcimi nën këmbët e tyre

Guri e njihte peshën e gjakut

E njihte edhe emrin e vrasësit

Kur të heshtë guri

Do të flas varri

Me zërin e atyre

Që.s’u lanë të jetonin

/QendraPress/