Çaste poete me poeten;-Shire DHIMA
Dashuria ime!
———————————
Së bashku të dy, me thinja masim tokën e jetës
Thelluar rrudhave ,derdhur vuajtjet në egërsinë e kohës
Tek ty shoh veten,
Shoh strehët e të vërtetës
Përballë njëri tjetrit,hera herës takojmë mjerinë!
Dashuria ime!
Përmes kohës së akullt
Fshikulluar faqet,hunda bërë trëndafil
Fashuar këmbët nga rruga e çakullt
Ishim tre dashuria ime
Unë dhe ti,mbanim ngrohtë dashurinë.
Dashuria ime, mbirë syve të thellë
Çdo ditë grindemi me kohën që mban fshesën në dorë
Qenka shumë e korruptuar koha,
Në trafik kërkon nga një thelë
Do hamë ç’të mbetet,
Për sot,nesër gjysma na del
Gjysma do ndahet derisa të tretet.
Ti dashuria ime, atje përtej gjysmave,
përjetësia do mbetet
/QendraPress/
