Çaste poete me poetin;-Stavri HIMA

NUK TE LE, TE GABOSH(!)

—————————–

Nuk të le jooo, të gabosh

Njëherë u gabove në rini

Dashurove një kokëbosh

Që të katandisi në vetmi

Të shëmtoi dhe bukurinë

Të katandisi në reanimacion

Kur t’i theu dy-tri brinjë

Me dajakun që e kishte zakon

Në vetmi u katandise

Pas rikthimit tënd në jetë

U largove prej një bishe

Gjete qetësinë e vërtetë

Për një shpirt vërtet binjak

Pas shumë vitesh në vetmi

Gjete zemrën që ke hak

Erdhe tek mua me dashuri

Dashurinë ma dhurove

Me ndjenjën që digjej zjarr

Me puthje më përqafove

Dimrin ma ktheve behar

Buza jote zjarr më dogji

E zhuriti buzën time

Zemra-zemrën dashuroi

Kur u bëre jeta ime

Tani që je zonja ime

Pranë shpirtit tënd binjak

Të kam shpirt për jetën time

S’të le të gabosh aspak

/QendraPress/