Çaste poetike me poeten; Age Bilani LUKA
DO VI PËRSËRI…
—————————–
Atë ditë sytë e tu.
Më dhanë një premtim
Se prapë do t’më vinë
Të më sjellin gëzim.
Do udhëtoj Evropës
Për t’bukurin qerpik
T’i flladisim zemrat
Perlë n’Adriatik!
Më tha që të pres
Dhe do t’pres or djalë
Jam shqipe e malit
E mbaj kur jap fjalë!
Vargje ne do thurim
Më dha një premtim
Edhe n’mos u pafshim
T’i ruajmë kujtim!
& & &
PSE KAQ,PSE…!?
—————————
Kjo ditë filloi e bekuar
Bukur zoti e ka qëndis
Dielli me rreze praruar
I jep shkëlqim gjithësisë.
Ditët tona marrin jetë
Nën të artat rreze dielli
Të e bëjmë një jetë të qetë
Me inate s’mbrrihet qielli!
Pse del drita, diell pse lind
Pse buzëqesh, përse jeton
Kënaqu njeri, mos u grind
Shkurt është jeta, a kupton!
Pse-jat dojnë edhe përgjigje
Kur dikush pyetjen e shtron
Po njeri që s’ka ndërgjegje
As përgjigjen s’ta dëgjon!
/www.QendraPress.com/
