Çaste poetike me poeten;-Albina TREBICKA

IKJE…

———————————-

Ta lexoj në sy atë, që thua

….edhe atë që s’thua,

secili nga ne ecën duarlëshuar

në rrugën tonë tashmë ngushtuar

Dikur…

një vështrim shihte shpirtin,

një përqafim i fshehur prej vetes,

një pëshpëritje ,që ndizte çastet,

një dilemë rrëqethëse e jetës

një dashuri rrëmbimthi,

një qerpik në përpëlitje,

ca fjalë që u thanë e s’u dëgjuan,

ca puthje të ftohta dhënë në ikje…

Zgjodha pranverën të largohem prej teje,

të lashë dimrin dhe shpërthimet rebele

/QendraPress/