Çaste poetike me poeten;-Anila TOTO

Të heshtësh

—————————

Të heshtësh është një ulërimë

një frymë që brenda fytit ndalet.

Një ngërç i madh që vret lirinë

një krim pas krimi që s’mund të ndalet.

Të heshtësh është porsi një mal

që i gurgullojnë brenda vetes burimet.

Një nostalgji, një brengë, një faj

si vetëndërshkim në pavetëdije.

Të heshtësh, oh, është si një yll

që të pret buzë detit çdo natë, çdo ditë.

Një burg ku ti pranon pa gjyq

të heqësh dorë nga liritë..

/QendraPress/