Çaste poetike me poeten;-Arbana ARBA

Fallxhor i vetes.

————————–

365 ditë e 6 orë,

ku gjysma rrotullime i ke fjetur ndër ëndrra,

ëndrra me shije gruaje, me prekje aromash,

me ndalje vështrimi,

me përgjërim heshtjeje.

Ti i ndien tek të zaptojnë shtrëngueshëm,

të lidhin në nyje prangash këmbë e duar,

me tolerancë kthimi, herë nga e majta ,

e herë nga e djathta,

po tortura më e madhe është qëndrimi drejt,

i thyer në segmente gjymtyrësh…

dhe nuk të mbetet të bëhesh veç,

njëkohësisht

gardiani dhe i burgosuri i vetvetes,

e të kujdesesh me delikatesë të mbash pastër qelinë tënde .

#AR BANA

/QendraPress/