Çaste poetike me poeten;-Armenida QYQJA

Ti nuk erdhe…

——————–

Ti nuk erdhe

Dritë-hijet e pritjes

I le të më përpinin

Në natën e gjatë…

Monologjet e mia i braktisa,

Me sendet e dhomës u treta

Pa frymë, pa zë,

E mpirë ishte koka për mendime,

E lodhur, e mundur nga pritjet…

&   &  &

S’e ndërroj dot gjakun

———————————————-

Me terrin turren vampirët e vegjël,

Kush e kush më parë të më pickojë,

Në nyje kockash të ma thithin gjakun

A thua se mishi s’u mjafton…

“Zero negativ” është dhënë kushtrimi

Dhurues universal dhe çdo gjah tjetër është lënë,

Dinë dhe ato si prenë ta zgjedhin,

Dhe pse vetëm dy a tre javë rrojnë…

Do të ndryshoj, sa herë të kam premtuar

Nga bota e shtrydhur, e vrarë,

Mushkonjat që dot sonte s’po i vrasim,

Qeshin se e dinë, unë gjakun dot s’e ndërroj…

/QendraPress/