Çaste poetike me poeten:-Armenida QYQJA

Stinë pa ty…

——————————–

Dëgjoj atë që s’thonë me zë

Pemët, bari, lulet një stinëshe

Drita që përthyhet mbi klorofilin

Që ka filluar të helmohet,

Pak nga pak, çdo ditë…

Nuk flasin, nuk ankohen,

Në heshtje durojnë

Amplitudat e temperaturave

Dhe oshilacjonet hormonale

Të një stine në ikje

I dëgjoj dhe pse kaq e zënë jam

Me njëmijë kokëçarje

Në garën e minjve që s’ka dalje,

Dhe mungesën tënde…

S’di si po më ikën dhe një stinë pa ty?!

/QendraPress/