Çaste poetike me poeten:-Armenida QYQJA

NË FUNDSHTRATIN QË MBAN DITËT TONA-

——————————————

Malli yt, një baticë hënore

Që mbulon pa u ndjerë buzët e mia,

Askush s’e kupton kyçjen e tyre

Veç dallgëve që mbajnë puthjet e tua…

Ja dhe pak do mbulohen edhe sytë,

Asgjë tjetër s’do shohin veç teje,

Të kotë, krejtë e kanë të gjithë,

Kalimtarë, personazhe pa zë, figurantë…

Le të ikin të gjithë nëpër varkat e vogla,

Nuk dua dalje, shpëtim,

Në fundshtratin e detit që mban ditët tona,

Sonte, dua të mbytem…

-ARMENIDA-

/QendraPress/