Çaste poetike me poeten;-Brixhilda DEDE

ATY KU JETOJNË DASHURITË

———————————————

Metamorfozës së natës me ditën,

pres momentin e paqes.

Ku flutur krahëkuqe më ulet duarsh e universi

në elekuencën tënde kuvendon.

Pres, momentin kur qielli tretet mbi det e diell

 i virgjër mbi të pasqyrohet.

Pres, perëndime muzgjesh të zjarrtë, ku me

tinguj ëngjëjsh mbretëria jote mbulohet.

Përkëdhelur ndjenjën kur shpirtrat depërtojnë skutash të thella.

Aty ku, shikim i qartë sheh e adhuron qenien tënde.

Pluhur magjik i shndritshëm, injektohet poresh brenda,..

Në një qiell tjetër ka tufa zogjsh!

Në një qiell tjetër ka pafund ëndrra!

/QendraPress.com/