Çaste poetike me poeten;-Bruna Gjoni PERVATHI
Larg
———————
Më merr malli për ty …
Se netët tona na janë ngatërruar qiejve
Një fill i hollë i bardhë drite, sillet në
pagjumin e të dyve…
E kur lindin mëngjeset,këtej dhe andej teje
Unë shkund krahët si fluturat mbi zambakët e ujit
Ditët tona shpejtojnë si trenat
Orë pas ore ngarkojmë mbi vagonë
dëshira çmendurake
Duar që zgjaten ..
Duar që këputen largësive …
E drejt nesh zgjatet e zgjatet një fill i hollë
i përskuqur perëndimeve …
Më merr malli për ty
E me gjethe shelgu qëndis shtatin tim prej gruaje
/QendraPress/
