Çaste poetike me poeten.-Dava GJOKA
KU TRUPI PUSHON REHAT …
———————————–
Vdiq një qiraxhi në lagjen time
E nga se nuk e di
Gjithsesi ndjeva dhimbje
Se tek e fundit ishte njeri
Nuk e njihja ,asnjëherë s’e kisha parë
Për vdekjen ,njoftimin lexova në shtyllë
Prej disa muajsh qiraxhi kishte ardhë
Sot përgjithmonë ,sytë ,paska mbyllë
Me moshë s’paska qenë i vjetër
Por dhe as i ri
Nga lagjja ime iku n’botën tjetër
Qiraxhiu që e kisha komshi
Nxitonin njerëzit me hap e me vrap
Për të shkuar në këtë vaki’
E morën e çuan, ku trupi pushon rehat ,
Atje në vendlindjen e tij
/QendraPress/
