Çaste poetike me poeten;-Dije Demiri FRANGU

Aty mësohet liria

———————-

Në Prekaz me orë të tëra mund të ulesh e të mësosh lirinë

59 libra lirie i ke përballë e mund t’i lexosh me zë

mund të ulesh t’ë shkruash sërish libra të tjerë

me gjymtyrët e Ademve , me sytë e tyre,

me zemrat që tash rrahin më shumë se kurdoherë

mund t’ bësh libra fantastiko-historik

derisa nga mali ngarkuar mallin kënga e Ahmet Delisë vjen

e mund të shkruash si rreth shtëpisë

së Ademve duket hija e Jezusit për çdo çast se si

do lugë t’ djegura kur fryn era dëgjohen si zile shkolle

e zëra abetaresh si vaj fëmijësh të lënë dëgjohen

vetëm se nuk është lehtë të mbështesësh zemrën në murin e shpuar të kullës së Ademve

shpimet e saj të tejshkojnë trupin derisa një jehonë si zëri i Kushtrimit

reciton poemën e Kutelit “Se jam këtu kur s’kish njeri, kur s’kish kufi”

se Preka kaherë nëpër kohë është bërë Zi

në mars 1998 u bë mësues i lirisë

Shkruar në Prekaz, gjatë Edicioni të dytë të Festivalit Ndërkombëtar “Aktori dhe Poeti”, më 11.12.2024

/QendraPress.com/