Çaste poetike me poeten;-Donika Stasa DOMI

NË RRUGË VETË JETA…

—————————————–

Në rrugë mëngjesi ,

në rrugë nata ,

dhe gjumi prehet

sërish në rrugë ,

në muzgje të mjegullt

e agime të flakta ,

drejt të tjerë kilometrash

po prapë në rrugë .

Dy zemra që ulen

në prag dashurish ,

dy jetë që flenë

me ëndrra trazuar ,

ti gjumin e heshtjes

zbon rrugës së mallit ,

dhe lodhjen tinëzare

shkërmoq me duar .

Në rrugë një këngë

buzëve pengmbetur ,

dhe një urim shpirti

nisur nga udha ,

në rrugë vetë jeta

ndër shekuj ecur ,

në djepe përkundur

si të bardhat ninulla .

/www.QendraPress.com/