Çaste poetike me poeten;-Donika Stasa DOMI

AROMË MËMËSIE

————————

Ajo … haplehtë

si të jetë sorkadhe ,

e toka nën çapin e saj

dehet në musht kënaqësie ,

gji rrumbullakuar

ndrin si një hënë ,

në pritje të ëmbël

e gjitha buron dritë ,

bijë e bekuar

nga duar perëndie .

T’mbush shpirtin hijeshi e saj ,

gëzimi flakë zjarri

s’ka nevojë për flatra ,

cicëron mbi parvaz të zemrës ,

si pulëbardhë që këndon

brigjeve në dete ,

vjen pa lajmëruar…

pa pritur komandë ,

flutur që ngjyrat

merr gjithmonë me vete .

Qesh me sy…

e zemrat ngroh

e qeshur e saj ,

veshur me diell ,

hyjni që ndrin plot nur ,

krijesës së brishtë

me gjuhë shpirti i flet ,

ajo … gruaja shtatzënë ,

mban aromë mëmësie ,

bukuri që s’gjendet ,

që rrit brenda qenies

/QendraPress/