Çaste poetike me poeten;-Drita Kosumi SYLA

FLAS ME VALËT E DETIT

————————————

Në mëngjes kur deti fle gjysmë zgjuar

Hapat e mi prekin rërën e lagur

Dhe unë si mike e vjetër i afrohem

Valëve që më thërrasin me zë të butë

Flas me to pa fjalë veç me frymën time

Ato më tregojnë histori të largëta

Për anije që kanë humbur në horizont

E për dashuri të mbetura në brigje

Rri gjatë aty në kufirin mes tokës e detit

Duke mësuar gjuhën e valëve

Sepse ndoshta në heshtje ato e dinë

Se çdo dallgë e saj më sjell një kujtim

/QendraPress/