Çaste poetike me poeten;-Drita POPAJ
BOTA NA DUKEJ E VOGËL
————————————
Dikur
Kur dielli ishte i yni
Bota na dukej e vogël
E kur i vinte radha hënës
Ajo na vështronte e shqetësuar
Frikësohej se mos dikush
Do të na prishte magjinë
Dhe magjia u zhduk
Lumturinë e vranë me plumba
Ti ike në qiell
Tash
Kur dielli nuk është më i yni
Dhe ngroh si në ferr
Bota më duket e madhe
E shkretë
Ndërsa unë jetoj në terr
/QendraPress/
