Çaste poetike me poeten;-Eva Esat KACANJA

Në sytë e tu …

——————-

S’kam parë dhimbje më të bukur,

Dhimbje që kurrë s’është thënë,

Si e pakta fjalë e çmuar,

E stolisur në dritëhënë.

Pashë që edhe dhimbja ime

Tjetër formë ka marrë aty,

Është zbutur, shtruar lehtë,

E mëndafshtë si dashuri.

S’di të trembem a gëzohem,

S’ di të iki a të rri,

Nuk ka ndodhur kurrë më parë,

Të mëdyshem në ndjesi.

Nuk e di çfarë është kjo,

Është liri apo pushtim,

Thjesht kam mall për ato kohë,

kur të rrëfeja shpirtin tim.

……………………

Ah, të humba mik i vjetër,

Më dhemb vetja përsëri,

Ku ta gjej tani një tjetër,

Që të mund t’i flas për ty?

/QendraPress/