Çaste poetike me poeten;- Fitnete Bashota KRASNIQI

LABIRINT I DASHURISË

———————————-

Ti je si diell i fshehur pas pyllit,

që dashurinë e ditës e zgjatë me ngrohtësi;

rrezet e tua si labirint djegin

e bind zemrën me dashuri.

Ti je si diell i fshehur, që vjen ngadalë

si uji i kroit që buron si gurrë e pashterrur,

shkretëtirën e kthen n’kopsht me lule,

zemrës ja shton blerimin

e dimrin e ftoht e mbanë ngrohtë veç me shkurre.

Ti , labirint i kohës së moçme

n’zemrën time si fanar bënë dritë;

nektar nxjerr grimca dashurie’

se për shpirt më je ngjitë.

Ti, diell që lind e përëndon pas pyllit,

natën e fenit me yje

zemrën nuk e le t’më dridhet,

se e lidhe me një mijë nyje.

/QendraPress/