Çaste poetike me poeten;-Hyrë H.FAZLIJA

Stinës…

——————–

Dhe i thua vetes pranverë,

apo thash se erdhe, bleruar…

Si m’shtron sofrën me të bardhë,

n’sy zjarri shkrihen

fluskat e borës,

m’përgjumë dimërisht,

n’stinën e ëndërruar.

Eh, sa dimër u bëre!

Përndjeke zogjtë,

zgjove dhimbjet ku lidhen eshtrat,

Pemët nuk ta mbajnë dot peshën,

tunden lodhshëm.

Kruspull, bri votrës,

digjen të fundmet dru,

gatuar ditën me ëndrra.

Ç’darkë?!

060425,

/QendraPress/