Çaste poetike me poeten;-Klara SHEHU

Puthja është Hyjnore

———————————–

Shpesh u ndodh njerëzve.

Broçkulla të shkëmbejnë.

U ndodh të dashuruarve.

Kur mirëkuptim s’gjejnë.

Bëjnë sikur s’mërziten.

Ndonëse gjumi nuk i zë.

Gjithë natën përpëliten.

Fjala e ashpër, zgjuar i lë.

Shkëmbejnë dhe fjalë të ëmbla.

Fjalë shpirti, dashurie.

Kur flasin dy zemra.

Çelin lulet në kopshtie.

E ëmbël apo e ashpër.

Çdo fjalë njerëzore.

Fashitet si në ëndërr.

Nga dhurata Hyjnore.

Se Hyjnitë kanë menduar.

Broçkullat t’i sfidojnë.

Puthjen, si ndjenjë Hyjnore.

Të dashuruarve t’ja dhurojnë.

/QendraPress/