Çaste poetike me poeten;-Leonora N. LOKAJ

i ftohti i janarit plagët lidhë

malli merr edhe malin

epike bëhen lotët

shpirti thërrmohet copë e grimë

ngarend brigjeve të përmallshme

si gur që se merr deti n’përqafim

djepi që përkund dhimbjen time

gdhendur është me maje brisku

sa më shumë që e tund era

dhimbja rritet bëhet bjeshkë

moti ka çelur për ty lulja e mallit

që çelë njëherë në njëqind vjet

edhe këtë janar

lumenjtë më ndritin në sy

veç dhimbje

elegji vaji

e mall

/QendraPress/