Çaste poetike me poeten:-Lume LOKU

Dashuri e vërtetë

—————————–

Më deshe kur isha e lumtur,

Më deshe kur isha e pikëlluar.

Më dhe shpresë, jetën për ta vazhduar.

Më deshe kur mërzia më kaploi,

Më dhe forcë kush jam botës t’i tregoj.

S’lejoje askënd të më ofendoi,

I tregove botës se një dashuri e vërtetë

Mund të ekzistojë.

Ti ishe drita në errësirë,

Kur zemra ime s’kish më shpresë.

Më mësove si dashuria

Nga pluhuri shpirtin e ngre.

Me ty mësova ç’është guximi,

Ç’është besimi e durimi.

Në çdo stuhí më mbajte fort,

Si ankorr në një det pa port.

Tani e di ç’do të thotë jetë,

Të duash e të jesh i vërtetë.

Ti më dhe zemrën, pa kërkuar,

Një botë të re më ke dhuruar.

L. Sadikaj

/QendraPress/