Çaste poetike me poeten:-Mercedes GEGA

Kur të vish…

————————

Pjesa ime e dobët është ndjeshmëria

Ndjeshmëria e një gruaje të dashuruar

Të dashuruar me fjalën dhe shpirtin e qashtër

Me fjalën dhe shpirtin që mbart brenda vetes.

Nuk është gjithmonë e lehtë të jesh një grua si unë

Ku mes dy maktheve pret dhe përcjell dashuri

Ku shtëpinë e gurtë të migrimit në ndërvete ngroh me frymën e saj

Dhe kujdeset që gjithmonë pas një nate pa gjumë të rregulloj shtratin

Dhe të ujit margaritar në dritaret e syve të saj.

Bota ka nevojë për gra si unë kur ka kohë të mendoj

Dhe të mendosh është luks kur mbijetesa është një realitet shpirtëror.

Ndaj

shpesh ndahem mes heshtjes dhe shkrimit

Aty flitet gjuha që kuptoj më mirë

Gjuha e dashurisë.

…më gjen aty.

/QendraPress/