Çaste poetike me poeten:-Mevlyde Mezini SARAÇI

KUSH TË KA FAJ

—————————-

Dashuria i buzëqeshë syrit të shpirtit

Në netët e harlisura i zgjon ëndrrat

Kush të ka faj ty që nuk di të dashuron

Këtë jetë të bukur që na ka falë perëndia

A thua pse e vret buzëqeshjen ende pa gdhirë

Pse u shkakton njerëzve dhembje paskajë

Ua vret pëllumbat e bardhë në qiell

E lotin e syrit ua ngrinë mbi qepallë

Egërsia jote nuk e njeh as botën e fëmijëve

As zemrën e nënës që zgjat duart n ‘përqafim

Ekzemplar i së keqes fare pa ndjenja gjallëron

Duke ua këputur kopshtit trëndafilat në mugullim

Dashuria është pasaportë e jetës plotë lule

E fluturave që fluturojnë lirshëm në hapësirë

Të duash është ndjenjë është fisnikëri

E të urresh në çka ngjet vetëm ti e di

/QendraPress/